श्रीरामचन्द्र कृपालु भजु मन हरण भवभय दारुणं - Shri Ram Stuti

श्रीराम-स्तुति

श्रीरामचन्द्र कृपालु भजु मन हरण भवभय दारुणं ।

नवकंज-लोचन, कंज-मुख, कर-कंज पद कंजारुनं ।।

कंदर्प अगणित अमित छवि, नवनील-नीरद सुंदरं ।

पट पीत मानहु तड़ित रूचि शुचि नौमि जनक सुतावरं ।।

भजु दीनबंधु दिनेश दानव-दैत्यवंश-निकंदनं ।

रघुनंद आनँदकंद कोशलचंद दशरथ-नंदनं ।।

सिर मुकुट कुंडल तिलक चारू उदारु अंग विभूषणं ।

आजनुभुज शर-चाप-धर, संग्राम-जित-खरदूषणं ।।

इति वदति तुलसीदास शंकर-शेष-मुनि-मन-रंजनं ।

मम हृदय-कंज निवास कुरु, कामादि खलदल-गंजनं ।।

मनु जाहिं राचेउ मिलिहि सो बरु सहज सुंदर साँवरो ।

करुना निधान सुजान सीलु सनेहु जानत रावरो ।।

एहि भाँति गौरि असीस सुनि सिय सहित हियँ हरषीं अली ।

तुलसी भवानिहि पूजि पुनि पुनि मुदित मन मंदिर चली ।।

                       सोरठा

जानि गौरि अनुकूल सिय हिय हरषु न जाइ कहि ।

मंजुल मंगल मूल बाम अंग फरकन लगे ।।

।। सियावर रामचन्द्रकी जय ।।